İdman.biz
"Sevindirici haldır ki, "Kəpəz" komandası 1000-ci qolunu vurub".
Bunu İdman.bizə Azərbaycan millisinin sabiq futbolçusu Cavid Əhmədov deyib.
Vaxt ilə "Kəpəz"də çıxış edən və klubun ilk qoluna imza atan veteran futbolçu Gəncə futbol tarixində müstəqilik dövrünün ilk qolunu vurduğu üçün qürur hissi keçirdiyini deyib: "Hazırda bu komandada çalışıram. "Kəpəz"imi hər zaman Premyer Liqada görmək istəyirəm. Bu xəbəri eşidəndə həmin illərə getdim və o günləri yenidən yaşadım. Müstəqlik dövründə bu cür işə imza atmaq qürur hissidir. "Kəpəz" kimi köklü tarixə malik klubun üzvü olduğum üçün çox xoşbəxtəm. Azərbaycan Kubokunda da komandanın kapitanı kimi kuboku ilk dəfə mən qadlrmışam. Bunlar yalnız bir tarix idi".
O, "Kəpəz"in yeni baş məşqçisi Azər Bağırovun təyinatına da münasibət bildirib: "Azər olduqca təcrübəli məşqçidir. Adil Şükürov ötən il komandamız üçün çox iş gördü. Bu futboldur. Hər şey ola bilir. Azərlə yeni heyətlə bir şey alınmadı. İndi görək necə olur? Fikrimcə hər şey yaxşı olar".
Qeyd edək ki, "Kəpəz"in 1000-ci qoluna Viktor Braqa "Sabah"la Tovuz şəhər stadionunda keçirilən matçda imza atıb. Oyunda qonaqlar 3:2 hesabı ilə qalib gəlib.
Banuçiçək Hüseynli
İdman.biz
