Sport24.az
"Kəpəz"də söz sahibi kimdir? Bu sual çoxlarını düşündürür. Sport24.az xəbər verir ki, kağız üzərində "sarı-göylər"in İdarə Heyətinin sədri Adil Vəliyev olsa da, bu yalnız formal xarakter daşıyır.
Redaksiyamıza daxil olan bilgiyə əsasən Gəncə klubunda bütün məsələlərlə bağlı qərarı Fərman Əlizadə verir. İdarə Heyətinin üzvü olan Əlizadə klubu demək olar təkbaşına idarə edir. Və heç kimə də hesabat vermir. Vaxtilə stadionların ot örtüyünə cavabdehlik daşıyan bu şəxs hazırda ölkənin ən köklü klublarından birində əsas söz sahibi, səlahiyyət yiyəsidir. Bəlkə də bu üzdən Gəncə klubu uçurumun dibindədir və belə görünür ki, belə idarəçiliklə orda da qalacaq. Söylənilənlərə görə, artıq klubun möhürü də Fərman bəydədir. Bu səbəbdən bütün qərarları təkbaşına qəbul edir.
Qeyd edək ki, Misli Premyer Liqasında geridə qalan 6 turdan sonra aktivində 1 xal belə olmayan "Kəpəz" turnir cədvəlinin sonuncu pilləsində qərarlaşıb.
