Sport24.az
"Kəpəz" itki ilə üzləşib. Gəncə təmsilçisindən Sport24.az-a verilən məlumata görə, qapıçı Məmməd Hüseynov 3-4 həftə yaşıl meydanlardan kənarda qalacaq.
Bu isə baş məşqçi Azər Bağırov üçün növbəti problemdir. Mütəxəssis polşalı qolkiper Kaçper Rosanı heyətdə görmək istəmədiyi üçün Premyer Liqanın IX turunda Məmməd Hüseynova şans vermişdi.
Lakin Hüseynov "İmişli" ilə görüşdə həm rəqib futbolçu Vüsal Qənbərovu, həm də özünü zədələyib və qırmızı vərəqə də görüb.
Baş məşqçi Azər Bağırov ya növbəti turlarda Rosaya etimad göstərməli, ya da "çərçivə"ni gənc Elgün Bayramova həvalə edəcək.
Qeyd edək ki, "Kəpəz" X turda "Neftçi"nin qonağı olacaq.
