Sport24.az
"Kəpəz"in düşərgəsində ab-hava heç düzəlmir. Komandanın mövsümə uğursuz start verməsi azmış kimi, rəhbərlik səviyyəsində də xoşagəlməz oyunlar gedir. Bununla bağlı kluba yaxın mənbədən Sport24.az-a məlumat daxil olub.
Cabir İbrahimovun Gəncə klubunun icraçı direktoru postundan uzaqlaşdırılması ictimaiyyətə məlumdur. Mənbəmizin sözlərinə əsasən, onun dönəmində klub strukturunda özünə iş tapanlar da artıq ixtisara düşüb ki, bu da düşərgədə böyük narazılıq yaradıb. Söylənilənlərə inansaq, yaxın günlərdə uzun müddət "Kəpəz"in rəhbəri olmuş, hazırda isə əməliyyatlar üzrə rəhbər vəzifəsini icra edən İlqar Nadirinin də klubdan ayrılacağı gözlənilir. Yeni rəhbərlik İlqar bəyi yola salmaq niyyətindədir.
Qeyd edək ki, yeni mövsümdə 3 oyuna çıxan "sarı-göylər" xal üzünə həsrət qalıb. Hər 3 matçı məğlub başa vuran "sarı-göylər" turnir cədvəlinin sonuncu pilləsində qərarlaşıb.
