Sport24.az
"Kəpəz" rəhbərliyinin yeni baş məşqçi axtarışına çıxdığını iki gün öncə xəbər vermişdik. Onu da bildirmişdik ki, klubun başbilənləri iki yerli və bir əcnəbi mütəxəssisin xidmətində maraqlıdır. Sport24.az-a bu məsələ ilə bağlı yeni məlumat daxil olub.
Redaksiyamıza daxil olan bilgiyə əsasən, Adil Şükürov postundan göndəriləcəyi halda, boş qalan kresloya namizədlərdən biri Vaqif Cavadovdu. Artıq rəhbərliyin onunla təmasa keçdiyi söylənilir.
Qeyd edək ki, hazırd Pro kateqoriyalı məşqçi kurslarına qatılan Cavadov ötən mövsümün sonunda "Sumqayıt"ın əsas komandasından göndərilsə də, hazırda "kimyaçılar"ın əvəzedici heyətinin "sükanı arxasındadır".
