Report.az
"Kəpəz" Misli Premyer Liqasının XXII turunda "Sumqayıt"ı məğlub edib.
"Report" xəbər verir ki, Yevlax şəhər stadionundakı qarşılaşma Gəncə təmsilçisinin 3:0 hesablı qələbəsi ilə bitib.
Qolları 2-ci dəqiqədə Ryonosuke Ohori, 19 və 40-cı (p) dəqiqələrdə Luis Paçu vurublar.
"Gənclik şəhəri" təmsilçisi qarşılaşmanı 10 nəfərlə başa vurub. 62-ci dəqiqədə Nikola Ninkoviç ikinci sarı vərəqənin ardından qırmızı vərəqə ilə cəzalandırılaraq komandasını azlıqda qoyub.
Qeyd edək ki, "Kəpəz" 16 xalla turnir cədvəlində 10-cu sıraya yüksəlib. "Sumqayıt" isə 31 xalla 6-cıdır. Tura martın 1-də yekun vurulacaq.
