Sport24.az
"Beşiktaş"ın futbolçusu Keni Arroyo karyerasını Braziliyada davam etdirəcək. Sport24.az xəbər verir ki, İstanbul nəhəngi ekvadorlu vingeri "Kruzeyro"ya satıb.
Bu barədə klubun mətbuat xidməti məlumat yayıb.
"Ağ-qaralar" Arroyonun satışından 8 milyon avro gəlir əldə edib. 19 yaşlı ön xətt oyunçusu A Seriyası təmsilçisi ilə 4 illik müqavilə imzalayıb.
Qeyd edək ki, "Beşiktaş" Keni Arroyonu bu ilin fevral ayında ölkəsinin "İndependyente" klubundan transfer etmişdi. Gənc futbolçu "qara qartallar"ın heyətində meydana çıxdığı 14 rəsmi matçda 2 qol vurub.
