Sport24.az
"Qələbə qazanmaq istəyirdik. Matçın keçirildiyi stadionun da ot örtüyü bərbad olduğundan istədiyimiz nəticəni əldə edə bilmədik. Onu da nəzərə almaq lazımdı ki, rəqibimiz "Baku Sporting" iddialılar arasındadır, ilk "üçlüy"ə oynayır". Bu sözləri Sport24.az-a açıqlamasında Birinci Liqa mübarizədə "Karvan"ın baş məşqçisi Kənan Kərimov deyib.
O, komandasının 19-cu tur çərçivəsində qarşılaşdıqları "Baku Sporting"lə matç barədə fikirlərini bölüşüb:
"Oyunboyu üstünlük bizim tərəfdə idi. İkinci hissədə standart vəziyyətdən qapımızda qol gördük və qısa vaxtda bərabərlik qolunu vura bildik. Hətta, qələbə də qazana bilərdik. Təəssüf ki, hakimin səhv qərarı bizi 3 xaldan etdi. Futbolçumuz fərqlənən an topu sinəsi ilə qəbul edib qapını dəqiq nişan almışdı. Həmin mövqedən hakim onun əllə oynayıb-oynamadığını görə bilməzdi. Növbəti turda "Difai" ilə qarşılaşacağıq. Qalib gəlib mövqeyimizi qorumaq istəyirik".
Qeyd edək ki, "Karvan" "Baku Sporting" görüşü 1:1 hesabı ilə başa çatıb.
