Idman.biz
"Çelsi"nin üç əsas oyunçusu müqavilələrini daha əlverişli şərtlərlə uzatmağa hazırlaşır.
İdman.Biz xəbər verir ki, yarımmüdafiəçilər Moyses Kaysedo, Entso Fernandes və müdafiəçi Levi Koluill klubda qalmaq və yeni, təkmilləşdirilmiş müqavilələr imzalamaq istəklərini bildiriblər.
Lakin, BBC-nin məlumatına görə, "Çelsi" müqavilənin uzadılması ilə bağlı danışıqları yaya qədər təxirə salmağı planlaşdırır.
Komanda hazırda 22 oyundan sonra 34 xalla İngiltərə Premyer Liqasının turnir cədvəlində altıncı yerdədir. Onlar Çempionlar Liqasına vəsiqə qazanmaq şanslarını qoruyaraq dördüncü yerdən cəmi iki xal geridədirlər.
