Idman.biz
Qazaxıstanın "Kayrat" klubunun yarımmüdafiəçisi Zorjinyo Çempionlar Liqasındakı oyunda Madrid "Real"ına meydan oxumağa hazır olduqlarını bildirib.
İdman.biz xəbər verir ki, o, "Marca"ya açıqlamasında bildirib ki, futbol matçından qorxmaq olmaz.
Нarımmüdafiəçi inamlı danışıb: "Qorxacaq heç nə yoxdur. Zövq alın, məsuliyyətli olun, rəqabətcil olun və əlinizdən gələni edin. Təbii ki, madridlilər favoritdir. Hamı gözləyir ki, biz 0:10 uduzaq. Buna görə biz sürpriz etməyə çalışacağıq. Bu, bizi motivasiya edən bir yoldur, çünki hər kəs gözləyir ki, biz alçaldılacağıq".
Qeyd edək ki, "Real"ın komanda üzvləri artıq Qazaxıstana gəliblər. "Kayrat" - "Real Madrid" qarşılaşması bu gün Bakı vaxtı ilə 20:45-də başlayacaq.
