Idman.biz
Bu gün UEFA Çempionlar Liqasında pley-off mərhələsinin cavab görüşlərinə start verilib.
İdman.biz xəbər verir ki, ilk oyun günündə 3 matç keçirilib.
İlk qarşılaşma Qazaxıstanda baş tutub. "Kayrat" və "Seltik" ilk oyunda olduğu kimi, bu dəfə də qalibi müəyyənləşdirə bilməyiblər. 210 dəqiqə ərzində qapılara qol vurulmayıb və qalib penalti seriyasında turnirin final mərhələsinə yüksəlib. Qazaxıstan çempionu qələbə qazanaraq, tarixində ilk Çempionlar Liqasının həlledici məthələsinə vəsiqə qazanıb.
Eyni uğura "Pafos" da imza atıb. Kirplilər iki oyunun nəticəsinə görə, "Srvena Zvezda"nı mübarizədən kənarlaşdırıraq, tarixi uğura imza atıblar.
"Budö Qlimt" isə "Şturm Qrats"dan güclü olub.
UEFA Çempionlar Liqası
Pley-off mərhələsi, cavab oyunları
26 avqust
20:45. "Kayrat" (Qazaxıstan) - "Seltik" (Şotlandiya) - 0:0, ə.v. 0:0, pen. 3:2
İlk oyun - 0:0
23:00. "Pafos" (Kipr) - "Srvena Zvezda" (Serbiya) - 1:1
İlk oyun - 2:1
23:00. "Şturm Qrats" (Avstriya) - "Budö Qlimt" (Norveç) - 2:1
İlk oyun - 0:5
Qeyd edək ki, pley-off mərhələsinin daha 4 cavab görüşü avqustun 27-də keçiriləcək. "Qarabağ" Macarıstanda 3:1 hesabı ilə məğlub etdiyi "Ferentsvaroş"u Tofiq Bəhramov adına Respublika stadionunda qəbul edəcək.
İdman.biz
