Report.az
Qazaxıstanın "Kayrat" futbol klubu tarixində ilk dəfə UEFA Çempionlar Liqasının ümumi mərhələsinə vəsiqə qazanıb.
"Report" xəbər verir ki, seçmə mərhələnin pley-offunda rəqib Şotlandiyanın "Seltik" komandası olub.
Qlazqoda keçirilən ilk görüşdə qolsuz heç-heçə qeydə alınıb. Cavab matçının əsas vaxtında da hesab açılmayıb, bundan sonra əlavə vaxt oynanılıb. Lakin komandalar yenə qalibi müəyyən edə bilməyiblər.
Cütlüyün taleyinə penalti seriyasında aydınlıq gəlib, "Kayrat" daha güclü olub - 3:2.Beləliklə, almatılılar tarixlərində ilk dəfə UEFA Çempionlar Liqasının ümumi mərhələsinə çıxıblar.
Bundan əvvəl Qazaxıstan klublarından turnirin pley-offunu keçmək yalnız "Astana"ya 2015/16-cı illər mövsümündə müyəssər olmuşdu.
