Idman.biz
"Astana Motors" şirkəti "Kayrat" klubunun baş məşqçisi Rafael Urazbaxtinə 2025/26 mövsümü UEFA Çempionlar Liqasının əsas mərhələsinə vəsiqə qazandıqları üçün avtomobil hədiyyə edib.
İdman.biz xəbər verir ki, 46 yaşlı qazaxıstanlı mütəxəssis 2024-cü ilin sentyabrından Almatı komandasını çalışdırır.
"Tengrinews" şirkətin təsisçisi Nurlan Smauqlovun sözlərini belə təqdim edib: "Biz sizin qələbənizlə fəxr edirik – bu, təkcə "Kayrat" üçün deyil, bütün Qazaxıstan futbolu üçün böyük addımdır. Səmimi qəlbdən yeni uğurlar arzulayırıq və komandaya hər zaman dəstək verməyə hazırıq. İnanırıq ki, "Kayrat" Avropanı təəccübləndirə biləcək".
Həmçinin "Kayrat"ın 21 yaşlı qapıçısı Temirlan Anarbekova "MacBook" hədiyyə olunub.
Bundan başqa, belaruslu müğənni Maks Korjun Almatıda keçirilməli olan konserti "Kayrat"ın Çempionlar Liqasına vəsiqə qazanması səbəbilə ləğv olunub. Konsertin təyin olunduğu stadionun rəhbərliyi yaxın günlərdə arenanın matçlara hazırlanacağını bildirib.
Qeyd edək ki, "Kayrat" ilk dəfə çıxış edəcəyi Çempionlar Liqasının əsas mərhələsində "Real Madrid", "İnter", "Brügge", "Arsenal", "Olimpiakos", "Sportinq", "Pafos" və "Kopenhagen"lə qarşılaşacaq.
İdman.biz
