İdman.biz
"Yoldaşlıq oyunu idi. Əlbəttə ki, nəticə olaraq razı qaldım".
İdman.biz xəbər verir ki, bunu "Qəbələ"nin baş məşqçisi Kaxaber Tsxadadze deyib.
Gürcüstanlı mütəxəssis "Cəbrayıl"la yoxlama oyunu haqqında fikirlərini klubun mətbuat xidmətinə açıqlayıb: "Meydança amilinin bizə çətinlik yaradacağını bilirdik. Buna baxmayaraq, öhdəsindən gəlməyi bacardıq, meydanda istədiyimi görə bildim. Lakin, yenə də üzərində işləməli olduğumuz məqamlar var. Yoldaşlıq oyunları da məhz bunun üçündür ki, hansı detal üzərində işləməli olduğunu görə biləsən. Nəticə etibarilə, komandamdan razı qaldım, hər şey istədiyimiz kimi oldu".
Qeyd edək ki, "Qəbələ" "Cəbrayıl"a 4:1 hesabı ilə qalib gəlib.
İdman.biz
