Kaxaber Tsxadadze "Araz-Naxçıvan" üzərində qələbədən danışdı

"Qəbələ" Misli Premyer Liqasının 13-cü turunda səfərdə "Araz-Naxçıvan"a 2:1 hesabı ilə qalib gəlib. Sport24.az xəbər verir ki, ev sahibi komandanın baş məşqçisi Kaxaber Tsxadadze oyundan sonra keçirilən mətbuat konfransında jurnalistlərin suallarını cavablandırıb:

"Futbolçularımı təbrik edirəm. Onlar xarakter göstərdilər. Bu, çox vacibdir. İki gün əvvəl klub prezidenti ilə çox yaxşı görüşümüz oldu. Ona söz verdik ki, yaxşı mübarizə aparacağıq. Bu gün oyun bir az gərgin başladı. "Araz-Naxçıvan" güclü komandadır, yaxşı hücum potensialına malikdir. Matçın əvvəlində bizdə həyəcan var idi. Buna görə top itkilərinə yol verdik. Qol vurduqdan sonra sakitləşdik və daha rahat oynamağa başladıq. Yenə standart vəziyyətdən qol buraxdıq. İkinci hissəyə yaxşı başladıq. Rəqibə qol imkanı vermədik. Biz çoxlu qol epizodları yaradırırıq. Amma onlardan yararlana bilmirilk. Bu gün gördüm ki, bizim potensialımız daha  çoxdur. Hələ bir oyun udmuşuq. Qarşıda çox matç var. Bu qələbədən düzgün nəticələr çıxarmalıyıq".

- Neçə turdur ki, qələbə qazanacağınız gözlənilirdi. Bu qalibiyyətin "Qəbələ"nin sizdən əvvəlki baş məşqçisi Elmar Baxşıyevin komandası üzərində olacağını gözləyirdiz?

- Bizim Elmar Baxşıyevə böyük hörmətimiz var. Həm yaxşı insandır, həm də yaxşı məşqçidir. Sadəcə elə alındı ki, onun komandası ilə matçda qələbə qazandıq.

- Nuğay Rəşidov bu gün meydanda ən yaxşılardan idi. Onun performansını necə dəyərləndirirsiz?

- Çox şadıq ki, belə gənc futbolçu yaxşı oynadı. Amma onu çox tərifləməyək. Nuğay stabil oynamalıdır. Bu gün Eşqin də yaxşı mübarizə apardı. Nicat zədəli halda oyuna çıxmışdı. Meydanda var gücünü qoydu. Bütün futbolçulara təşəkkür edirəm. Əsl xarakter göstərdilər.

- Murad Musayevin son dəqiqələrdə qırmızı vərəqə almasına münasibətiniz necədir?

- Muradın oyunda yeganə səhvi həmin anda gecikməsidir. O, tək kapitan deyil, meydanda lider kimi oynayır. Bəlkə də qırmızı vərəqə almaqla bizi xal itkisindən xilas etdi.