Sport24.az
"Qəbələ"nin baş məşqçisi Kaxaber Sxadadze "Cəbrayıl"a 4:1 hesabı ilə qalib gəldikləri yoxlama oyunundan sonra matç haqqında şərh verib. Sport24.az klubun mətbuat xidmətinə istinadən xəbər verir ki, gürcüstanlı mütəxəssiz çatızmaqlıqların olduğunu dilə gətirib:
"Yoldaşlıq oyunu idi. Əlbəttə ki, nəticə olaraq razı qaldım. Meydan amilinin bizə çətinlik yaradacağını bilirdik. Buna baxmayaraq, öhdəsindən gəlməyi bacardıq, meydanda istədiyimi görə bildim. Lakin, yenə də üzərində işləməli olduğumuz məqamlar var. Yoldaşlıq oyunları da məhz bunun üçündür ki, hansı detal üzərində işləməli olduğunu görə biləsən. Nəticə etibarilə, komandam qalib oldu".
