Sport24.az
"Gələn mövsüm komandada qalacağıma ümid edirəm". Sport24.az xəbər verir ki, bunu "Qəbələ"nin baş məşqçisi Kaxaber Sxadadze "CBC Sport" telekanalına açıqlamasında deyib.
Gürcüstanlı mütəxəssis komandasının Azərbaycan Premyer Liqasına qayıtmasından danışıb. O, bu nəticəni əldə etmək üçün çox çalışdıqlarını vurğulayıb: "Hələ ilk gəldiyim dövrlərdə demişdim ki, Qəbələ futbol şəhəridir. Klubda çətin dövrlərdən keçməyimizə baxmayaraq, çox çalışdıq. Olduqca yaxşı futbol oynadıq və bu komandanın Premyer Liqaya qayıtmağa layiq olduğunu sübut etdik. Futbolçularımı təbrik edirəm. Onlar çox işlədilər və maksimumlarını ortaya qoydular. Belə fədakarlıq olan yerdə hər zaman nəticə də olacaq. Bundan sonra əsas hədəfimiz birinci olmaqdır. Çox şadam ki, hələ uduzmamışıq və mövsümü məğlubiyyətsiz başa vurmağa çalışacağıq. Qazandığımız nəticələr bütün komandanın əməyidir. Biz həm taktiki cəhətdən, həm də meydanda çox iş görürük".
Qeyd edək ki, ki, "Qəbələ"nin Premyer Liqaya qayıtması I Liqanın XX turunda dəqiqləşib. "Baku Sportinq"lə qarşılaşan Kaxaber Tsxadadzenin yetirmələri 5:0 hesablı qələbə qazanıblar. 4-cü pillədə qərarlaşan "Baku Sportinq"lə xal fərqi 26-ya çatdıran "Qəbələ" sona 7 tur qalmış elitaya vəsiqə verən ilk "üçlük"də yerini təmin edib.
