Sport24.az
"Atletiko Madrid"in hücumçusu Xulian Alvares "Barselona"ya transfer oluna bilər. Sport24.az xəbər verir ki, "Barselona" rəhbərliyi səviyyəli hücumçu transfer etmək istəyir.
Klubun rəhbərliyi Alvaresin Barselonanın hazırkı hücum xəttinə uyğun gələn oyunçu olduğuna inanır.
"Barselona"nın argentinalı futbolçu üçün 60 milyon avroluq təklif hazırladığı və "blauqrana"nın Ferran Torresi də bu transferə qatmaq istədiyi bildirilir.
"Atletiko" Alvaresi göndərməyi planlaşdırmır, lakin cəlbedici təklif və Torreslə müqavilə imzalamaq istəyi Madrid təmsilçisinin qərarına təsir edə bilər.
25 yaşlı Alvares bu mövsüm bütün yarışlarda 39 matçda 20 qol vurub və 5 qol ötürməsi edib.
