Sport24.az
"Neftçi"nin legioneri Edvin Kuç Monteneqro millisinin heyətində Farer adalarına vurduğu qolu şərh edib. Sport24.az xəbər verir ki, yarımmüdafiəçi komandasına qələbə qazandırdığı qolla bağlı bunları deyib:
"Kənardan hücum etməyi xoşlayıram. Həmin vaxt ya hər şey, ya da heç nə düşüncəsi ilə getdim. Karyeramın ən yaxşı anlarından biri idi. Əvvəlki günlər bizim üçün bir az çətin keçdi. Psixoloji və fiziki cəhətdən yorğun idik. Meydan da bizə çətinlik yaradırdı. İki matçda altı xalı asanlıqla qazanmayacağımızı bilirdik".
