Sport24.az
Madrid "Real"ının kapitanı Dani Karvaxal klubdakı gələcəyi ilə bağlı sualı cavablandırıb. Sport24.az xəbər verir ki, 34 yaşlı müdafiəçinin "kral klubu" ilə hazırkı sözləşməsi 2026-cı ilin yayına qədər qüvvədədir.
Karvaxal insayder Fabrtisio Romanoya açıalmasında bildirib ki, hazırda bütün diqqətini oyununa yönəldib: "Yenicə zədədən qayıtmışam. Mənim üçün əsas olan məşq etmək və futboldan zövq almaqdır. Klub da bu məsələdə mənimlə eyni fikirdədir. Meydanda hansı səviyyədə olduğumu görmək üçün oynamalıyam. Hazırda hər şey qaydasındadır və eyni dalğadayıqsa, problem olmayacaq".
Qeyd edək ki, Dani Karvaxal 2013-cü ildən "Real"ın formasını geyinir. Bu müddət ərzində o, bütün turnirlərdə 436 oyuna çıxıb, 14 qol vurub və 65 məhsuldar ötürmə edib.
