Idman.biz
Premyer Liqanın ilk turunda "Qəbələ" ilə bərabərliyə razılaşan (1:1), ardından "Kəpəz"i məğlub edən (3:2) "Karvan-Yevlax" növbəti çempionat qarşılaşmasını "Qarabağ"a qarşı keçirəcək.
İdman.biz xəbər verir ki, "ağ-qaralar"ın hücumçusu Uğur Cahangirov Fanat.Az-a Gəncə təmsilçisi üzərində qələbə barədə, həmçinin "köhlən atlar"la dueldən gözləntilərini açıqlayıb.
Bu yay "Sumqayıt"ı Yevlax təmsilçisinə dəyişən ön xətt oyunçusu bildirib ki, "Kəpəz" ilə oyuna maksimum nəticə üçün çıxıblar: "Rəqibi yaxşı analiz edib qələbə qazandıq. Bu qələbə bizim üçün çox vacib idi. Növbəti matçımız "Qarabağ"a qarşıdır. "Qarabağ"la oyuna da xal qazanmaq üçün çıxacağıq. Son matçda 3 xal əldə etmişik. Hazırda komandada çox yaxşı ab-hava var. Yeri gəlmişkən, "Qarabağ"a bu gün Çempionlar Liqasının pley-off mərhələsinin cavab oyununda uğurlar arzulayıram".
İdman.biz
