Sport24.az
"Mövsümün ilk oyunu hər zaman olduğu kimi ağır keçdi". Bu sözləri Sport24.az-a açıqlamasında "Karvan-Yevlax"ın futbolçusu Vadim Abdullayev Misli Premyer Liqasının ilk turunda "Qəbələ" ilə matçdan sonra deyib.
Təcrübəli futbolçu uzun müddətdən sonra 90 dəqiqə oynamağın çətinliyini də vurğulayıb:
"Qol imkanlarımız olsa da maksimum yararlana bilmədik. Sanki tələskənlik var idi. Bu da başa düşüləndi. Yeni qurulmuş komandayıq. Oyunumuzu təhlil edib, səhvlərimiz üzərində işləyəcəyik. Süni meydança və uzun müddət sonra 90 dəqiqə futbol oynamaq mənim üçün çətin oldu. İstəyirdik ev oyunumuzu Yevlaxda keçirək. Hədəfimiz "Karvan-Yevlax"ı mübariz komandaya çevirməkdir. Uzun illər sonra Premyer Liqaya vəsiqə qazanmışıq. Çempionatda yerimizi qorumaq istəyirik. Nəticə olduqca hədəf də böyüyür".
Qeyd edək ki. Misli Premyer Liqasının ilk turunda "Karvan-Yevlax" "Qəbələ" ilə "sülh" bağlayıb - 1:1.
