Sport24.az
"Məğlubiyyətə görə çox üzülürük". Bu sözləri Sport24.az-a "Karvan-Yevlax"ın futbolçusu İbrahim Qədirzadə deyib.
Yarımmüdafiəçi səfərdə "Şamaxı"ya üç cavabsız qolla uduzduqları Misli Premyer Liqasının XIV turunun oyunu ilə bağlı fikirlərini bölüşüb.
"Matça yaxşı hazırlaşmışdıq. Bunun üçün çox vaxtımız olmamışdı. Çünki "Qarabağ"la ardıcıl iki qarşılaşmada üz-üzə gəldik. Hər iki görüş çətin keçdi. Amma "Şamaxı" ilə oyunun da belə olacağını bilirdik. İlk hissədə yaxşı təsir bağışladıq. Fasilədən sonra səhvlərimiz ucbatından məğlub olduq".
Qədirzadə "Karvan-Yevlax"ın yaxşı nəticələr qazana bilməməsi barədə danışıb:
"Düşünürəm ki, yeni baş məşqçimiz Füzuli Məmmədova zaman lazımdır. Onunla bu vəziyyətdən çıxacağıq. Qarşıdakı matçlarda bunu görəcəksiniz. Rəqiblərimizlə böyük xal fərqi yoxdur. Sonuncu pillədə xilas olacağımıza inanıram".
