Idman.biz
"Ayxan Abbasovu əsas milli komandanın baş məşqçisi 1 xal qazanması münasibəti ilə təbrik edirəm. Oyuna gəldikdə, komandamız əzmkar futbol oynadı. Hesab oyuna görə olmadı".
İdman.biz xəəbər verir ki, bunu "Karvan-Yevlax"ın baş məşqçisi Azər Həşimov Misli Premyer Liqasının 4-cü turu çərçivəsində səfərdə "Şamaxı"ya 0:3 hesabı ilə məğlub olduqları oyunu şərh edərkən deyib.
Mütəxəssis bildirib ki, fərdi səhvlərdən qollar buraxıblar: "İkinci qoldan sonra komandada düşüş yaşandı. Geridönüş etməyə çalışsaq da, alınmadı. Futbolda hər şey olur. Milyonluq futbolçular da səhv edir. Bu oyun səhvlərin üzərində qurulub. Səhvlərimizi təhlil edib, daha yaxşı hazırlaşıb "İmişli" ilə matça çıxacağıq. Zədəli futbolçularımız da var idi. Bu da oyuna öz təsirini göstərdi".
Futbolda səhvlərin olduğunu vuröulayan baş mışqçi diqqətə çatdırıb ki, Kamran Ağayev kimi bütün qapıçılar da xətaya yol verir: "Birbaşa künc zərbəsindən qol olursa, deməli qapıçının səhvi var. Məğlub olmuşuqsa, hamımızın səhvidir".
O, komandanın zədəli olan əsas qapıçısı Pedro Mateuşla bağlı fikirlərini açıqlayıb: "Çox güman ki, Pedro gələn həftə məşqlərə başlayacaq. Digər oyunçuların da müalicəsi davam edir".
İdman.biz
