Sport24.az
Bu gün Misli Premyer Liqasında IX tur start götürür. Sport24.az xəbər verir ki, hesabat həftəsinin ilk oyun günündə 2 qarşılaşma baş tutacaq.
Şamaxıda keçiriləcək matçda "Karvan-Yevlax" "Turan Tovuz"u qonaq edir. Geridə qalan 8 turdan sonra aktivində 15 xal olan "boz qurdlar" turnir cədvəlinin ikinci pilləsində qərar tutubsa, nominal meydan sahibləri təhlükəli zonada, daha dəqiq desək, 11-ci yerdədir. Yevlax təmsilçisi bu oyundan məğlub ayrılacağı, günün digər görüşündə "Kəpəz" qalib gələcəyi təqdirdə turnir cədvəlinin zirzəmisində dəyişiklik olacaq. Tovuz təmsilçisi isə 3 xal qazanacağı halda ən azı bir günlük də olsa zirvəyə dönəcək.
Qeyd edək ki, oyunun start fiti saat 14:30-da səslənəcək.
Misli Premyer Liqası
I dövrə, IX tur
14:30. "Karvan Yevlax" - "Turan Tovuz"
Hakimlər: Elvin Bayramov, Şirmamed Mamedov, Kərim Zeynalov, Əli Əliyev
VAR: Əliyar Ağayev
AVAR: Teymur Teymurov
Hakim-inspektor: Asim Xudiyev
AFFA nümayəndəsi: Nəriman Axundov
Şamaxı şəhər stadionu,
