"Karvan-Yevlax" – "Qəbələ" matçı 1:1 hesabı ilə başa çatıb

Bu gün futbol üzrə Misli Premyer Liqasında fasilə başa çatıb.

İdman.biz xəbər verir ki, 81 günlük fasilədən sonra 2025/2026 mövsümünə start verilib.

Yeni futbol ilinin açılış oyunu Şamaxı şəhər stadionunda keçirilir. Burada "Karvan-Yevlax" "Qəbələ"ni qəbul edir. Yevlax şəhər stadionu təmirdə olduğu üçün görüş Şamaxıda keçirilir. İndiyədək Premyer Liqada üz-üzə gəlməyən komandaların görüşünü FIFA referisi Əliyar Ağayev idarə edir.

İlk turda 6 görüşdən biri keçirilməyəcək. Buna "Qarabağ"ın Çempionlar Liqasında mübarizəni davam etdirməsi səbəb olub. Turun digər matçları 3 günü əhatə edəcək. Avqustun 16-da "İmişli" - "Turan Tovuz", "Neftçi" - "Şamaxı", ertəsi gün "Sumqayıt" - "Kəpəz", avqustun 19-da isə "Zirə" - "Araz-Naxçıvan" oyunları təşkil olunacaq.

Misli Premyer Liqası
I tur
15 avqust (cümə)

17:00. "Karvan-Yevlax" – "Qəbələ" - 1:1
Qollar: Murad Musayev, 78 (öz qapısına) - Domi Massumo, 54

Baş hakim: Əliyar Ağayev
Şamaxı şəhər stadionu

"Karvan-Yevlax": 99. Pedro Mateuş, 6. Vadim Abdullayev (k), 18. Süleyman Əhmədov, 14. Uğur Cahangirov, 20. Coy Sleyd Mikels, 2. Şakil Sno, 37. Mois Nqvisani, 19. Tompson Qavi, 3. Said İranxan, 10. Samuel Durrant, 4. Olavale Doyeni
Ehtiyat oyunçular: 1. Kamran İbrahimov, 25. Əmrah Bulud, 7. Araz Abdullayev, 32. Elvin Yunuszadə, 33. Eltun Turabov, 42. İbrahim Qədirzadə, 13. Vüsal Məsimov, 22. Qabil Əlizadə, 77. Əli Abdullayev, 11. Kayl Spens, 8. Peter Kinqs, 21. İmani Barker
Baş məşqçi: Azər Həşimov

"Qəbələ": 1. Səlahət Ağayev, 28. Murad Musayev (k), 13. Nicat Əliyev, 10. Şahin Şahniyarov, 27. Eşqin Əhmədov, 50. Adriel Ba Loua, 3. Eduardo Kunde, 6. Xayme Syerra, 16. İsaak Amoah, 14. Domi Massumo, 30. Prins Ovusu
Ehtiyat oyunçular: 94. Həbib Hüşənov, 11. Asif Məmmədov, 22. Fərid İsgəndərov, 97. Elşad Tağıyev, 74. Süleyman Damadayev, 66. Nuğay Rəşidov, 36. Elnur Mustafayev, 17. Qədir Ramazanov, 21. Ziya Şəkərxanov, 12. İbrahim Sanqare, 70. Paulo Quimbila
Baş məşqçi: Kaxaber Tsxadadze

İdman.biz