Idman.biz
"Karvan" yeni mövsümün hazırlığına başlayıb.
İdman.biz Futbolinfo.az-a istinadən xəbər verir ki, Premyer Liqada çıxış edəcək "ağ-qaralar" məşqlərə Yevlax şəhərində start verib.
Hazırlığın ilk mərhələsi seleksiya xarakteri daşıyır. Komanda hələlik gündə bir dəfə olmaqla məşq edir.
Seleksiya xarakterli məşqlər bir həftə davam edəcək. Daha sonra komanda Qəbələ və ya Quba şəhərində təlim-məşq toplanışı keçəcək.
Qeyd edək ki, seleksiya xarakterli məşqlərə 30 yaxın futbolçu cəlb olunub. Onların arasında yerli və legioner futbolçular var.
İdman.biz
