Idman.biz
"Real Madrid"in kapitanı Dani Karvahal Madrid klubunda baş məşqçi dəyişikliyi ilə bağlı fikirlərini bölüşüb.
İdman.biz bildirir ki, müdafiəçi Karlo Ançelottinin futbolçulara daha çox sərbəstlik verdiyini, Xabi Alonsonun isə nizam-intizama önəm verdiyini qeyd edib.
"Ançelotti "Real Madrid"in əfsanəsi idi və o, həmişə klubun tarixində qalacaq, lakin bizim dəyişikliyə ehtiyacımız var idi. Bəzən məşqçi dəyişikliyi komandanı silkələməyə və həvəsi bərpa etməyə kömək edir. Karletto ilə bizim daha çox sərbəstliyimiz var idi, lakin Xabi daha sərt və tələbkardır. Hər kəsin öz fəlsəfəsi var", - Karvahal COPE-yə müsahibəsində deyib.
İspan müdafiəçi vurğulayıb ki, Alonso oyunçuların düşüncələrini dəyişdirməyə və yeni ideyalar gətirməyə çalışır. Eyni zamanda o, müxtəlif nəsil məşqçilərin futbola fərqli baxdığını və bunun təbii proses olduğunu qeyd edib.
Alonsonun "Real Madrid"dəki başlanğıcı uğurlu alınıb: La Liqada ardıcıl üç qələbədən sonra madridlilər beynəlxalq fasiləyə şempionatın lideri kimi gediblər. Onları qarşıda Çempionlar Liqasında "Real Sosyedad" və "Marsel" ilə qarşılaşmalar gözləyir.
İdman.biz
