Sport24.az
"Real"ın baş məşqçisi Karlo Ançelotti ilə Braziliya Futbol Konfederasiyası arasında danışıqlar davam edir. Sport24.az xəbər verir ki, bu barədə "Folha de S.Paulo" portalı məlumat yayıb.
Mənbənin sözlərinə görə, 65 yaşlı italiyalı ilə Braziliya millisinin bossları arasında razılaşdırılmış şərtlərə görə, Ançelottinin illik maaşı 9 milyon avro təşkil edəcək. Beşqat dünya çempionları 2026-cı ildə təşkil olunacaq mundialın yarımfinalına yüksəlsələr, bu maaş 11 milyon avroya yüksələcək. Ançelotti həmçinin Braziliyada ev kirayəsi və özü üçün həyat sığortası istəyib.
Qeyd olunur ki, sığorta Karlo Ançelottinin yeni ölkədə qarət oluna biləcəyindən narahat olduğu üçün müqavilənin əsas şərtlərindən biridir.
Qeyd edək ki, mütəxəssisin "Real"dan getməsi ilə bağlı qərarın artıq verildiyi, rəsmi açıqlamanın isə La Liqanın 35-ci turunun "Barselona" ilə oyunundan sonra veriləcəyi bildirilir.
