Sport24.az
"Real"ın baş məşqçisi Karlo Ançelotti fransalı hücumçu Kilian Mbappenin İspaniya çempionatının 27-ci turunda "Rayo Valyekano" ilə matçdakı (2:1) çıxışını dəyərləndirib. Sport24.az "Kral Klubu"nun rəsmi saytına istinadən xəbər verir ki, italiyan çalışdırıcı bu qələbənin onun üçün vacib olduğunu bildirib:
"Bu qələbə mənim üçün vacib idi. Vinisius Junior və Mbappe iki önəmli qol vurdu. 70-ci dəqiqəyə qədər çox yaxşı oynadılar və hesabı 3:1 etmək şansları oldu. Müdafiə olunmalı olduğumuzu düşünəndə hücumçuları çıxarıram, onları əvəzləmək mənim üçün problem deyil. Rodriqonu da əvəz etdim, çünki növbəti oyunda faydalı olacaq.
Mbappe çox yaxşı çıxış etdi, möhtəşəm qol vurdu. Topu almaq üçün vuruşdu, yıxıldı. Qol o, topu yarımmüdafiədə qəbul etməyə getdiyi və sonra hərəkəti ilə müdafiədən yayındığı üçün ortaya çıxdı. Bu, fantastik qol idi, o, hər şeyi çox yaxşı bacardı".
