Idman.biz
"Onun oyununa xüsusi nəzarət etməyə ehtiyac yoxdur – hamı yaxşı bilir ki, Neymar çox istedadlıdır. Amma müasir futbolda bu istedadı reallaşdırmaq üçün əla fiziki formada olmaq vacibdir".
İdman.biz xəbər verir ki, bunu Braziliya millisinin baş məşqçisi Karlo Ançelotti Neymarın hansı şərtlərlə milli komandaya dəvət oluna biləcəyinə münasibət bildirərkən deyib.
Mütəxəssis ulduz futbolçunun millidə bu halda yer alacağını vurğulayıb: "Əgər o, optimal vəziyyətini bərpa etsə, çətinlik çəkmədən millinin heyətində yer alacaq. Hər kəs Neymarı yaxşı fiziki formada görmək istəyir. Mən onunla danışdım və dedim: "Sənin vaxtın var, özünü bərpa et və dünya çempionatında yığmaya maksimum kömək et".
Ançelotti bildirib ki, bu barədə Paraqvayla oyundan öncə oteldə Neymarla söhbət edib: "Yanaşmamız dəyişmir. Mən onu plejmeyker və ya hücumçu mövqeyində istifadə edərdim. Onu daha çox mərkəzə yaxın oynatmaq lazımdır. Çünki cinahda artıq effektiv ola bilməz, müasir futbolda bunun üçün güclü fiziki göstəricilər tələb olunur. Amma mərkəzdə, hücumameyilli yarımmüdafiəçi mövqeyində rahatlıqla çıxış edə bilər".
Qeyd edək ki, Neymar yaxın günlərdə zədəsini sağaldıb.
İdman.biz
