Sport24.az
"Real"ın baş məşqçisi Karlo Ançelotti klubdakı gələcəyi ilə bağlı qərar verib. Sport24.az "The Athletic"-ə istinadən xəbər verir ki, italiyalı çalışdırıcı növbəti mövsümdə "Real"da işləməyə davam etmək istəyir.
"Kral klubu" La Liqa və UEFA Çempionlar Liqasını qazanarsa, rəhbərlik Ançelottini növbəti mövsümdə saxlaya bilər. Onun Madrid klubu ilə hazırkı müqaviləsinin müddəti 2026-cı ilin iyununa qədərdir. Daha əvvəl "Real"ın Ançelottini Levekuzen "Bayer"inin çalışdırıcısı Xabi Alonso ilə əvəz edəcəyi barədə məlumat yayılmışdı.
Qeyd edək ki, "Real" La Liqada 26 turdan sonra 54 xalla turnir cədvəlinin 3-cü pilləsində qərarlaşıb.
