Idman.biz
Almaniyalı qapıçı Loris Karius uzun fasilədən sonra yenidən yüksək səviyyədə çıxış etməyə başlayıb.
İdman.Biz xəbər verir ki, 2018-ci ildə Çempionlar Liqasının finalındakı uğursuzluqdan sonra karyerasında eniş yaşayan alman qolkiper 2021-ci ildə "Liverpul"dan ayrılıb və uzun müddət klubsuz qalıb, 2025-ci ilin yanvarınadək isə "Nyukasl"ın heyətində cəmi iki matç keçirib.
Hazırda isə 32 yaşlı qapıçı "Şalke"nin əsas qapıçısıdır və komandası ilə birlikdə İkinci Bundesliqada inamlı liderliyə yüksəlib.
Son iki mövsüm elitada qalmaq uğrunda mübarizə aparan klub Kariusun gəlişindən sonra Bundesliqaya qayıdışa ciddi namizəd kimi görünür.
Qapıçı 18 oyunda 10 "quru" matç keçirib və cəmi 10 qol buraxıb ki, bu da liqada ən yaxşı göstəricidir.
