Idman.biz
Dünya çempionları Kristian Karambö və Marko Materassi, eləcə də 1994-cü il dünya çempionatında İsveç millisi ilə bürünc medal qazanan Martin Dalin 2026-cı il dünya çempionatının seçmə mərhələsinin pley-offunun püşkatmasında köməkçi təyin ediliblər.
Bu barədə İdman.Biz FIFA-nın rəsmi saytına istinadən məlumat verir.
Püşkatma 20 noyabrda keçiriləcək və dünya çempionatının final mərhələsinə vəsiqə uğrunda mübarizə aparacaq komandaların cütlüklərini müəyyən edəcək. Mərasim FIFA-nın Sürixdəki qərargahında keçiriləcək.
DÇ-2026 11 iyun - 19 iyul tarixlərində ABŞ, Kanada və Meksikada keçiriləcək.
