Sport24.az
"Milan"ın kapitanı Teo Ernandes komandanı tərk etmək üzrədir. Sport24.az "La Gazetta dello Sport"a istinadən xəbər verir ki, futolçu klubla yeni müqavilə barədə razılığa gəlməyib.
O, yeni sözləşmədə əvvəlkindən daha yüksək maaş tələb edib. "Rossenyerilər" isə bu məbləği ödəməyə hazır deyil. Buna görə də "Milan" müdafiəçini yayda satışa çıxaracaq. Onun "Milan"la 2026-cı ilin iyununa qədər müqaviləsi var.
Fransa millisinin üzvünün qardaşı Lukas Ernandesin çıxış etdiyi PSJ-yə keçəcəyi iddia olunur.
Qeyd edək ki, "qırmızı-qaralar" Ernandesi 2019-cu ilin yayında "Real"dan transfer edib. O, bu mövsüm "qırmızı-qaralar"ın heyətində 35 rəsmi matçda 4 qol vurub və 5 məhsuldar ötürmə edib.
