Sport24.az
"Bizi tarixi və çətin oyun gözləyir. Doğma azarkeşlər önündə mübarizə aparacağıq. Azarkeşləri sevindirmək üçün əlimizdən gələni edəcəyik". Sport24.az xəbər verir ki, bu barədə "Qarabağ"ın futbolçusu Kamilo Duran mətbuat konfransında danışıb.
Kolumbiyalı oyunçu İngiltərə təmsilçilərinin sürətli oyuna üstünlük verdiyini vurğulayıb:
"Matça yaxşı hazırlaşmışıq. Çətin rəqib olsa da, zəif cəhətlərindən yararlanmağa çalışacağıq".
Duran komandasının cari mövsümdə UEFA Çempionlar Liqasındakı nəticələr barədə də danışıb:
"Qarabağ"da bu yolu keçmişəm. Bu, karyeramın ən önəmli dönəmidir. Mən də oyun keyfiyyətlərimi yaxşılaşdırmalıyam".
Qeyd edək ki, görüş fevralın 18-də, saat 21:45-də Tofiq Bəhramov adına Respublika stadionunda start götürəcək. Cavab qarşılaşması isə fevralın 24-dən 25-nə keçən gecə, saat 00:00-da İngiltərədə baş tutacaq.
