Idman.biz
"Bakıya gələrkən çətin oyun olacağını bilirdik".
İdman.biz xəbər verir ki, bunu UEFA Çempionlar Liqası 3-cü təsnifat mərhələsinin "Qarabağ"la cavab görüşündən əvvəl "Şkendiya"nın yarımmüdafiəçisi Kamer Qaka deyib.
- Bakıya hansı istəklə gəlmisiz? "Qarabağ"ı məğlub edə biləcəksiz?
- Çətin matç olacağını bilirik. Öz oyunumuzu oynayacağıq. "Qarabağ" güclü, ciddi rəqibdir. İlk qarşılaşmada təəssüf ki, istədiyimiz səviyyədə oynaya bilmədik.
- "Qarabağ"ın heyətində hansı oyunçu sizə çətinlik yaratdı?
- Fərd olaraq onu deyə bilmərəm. Futbolçulara fərdi fikir vermirəm. Futbol komanda oyunudur. "Qarabağ" kollektiv oynayır. Ona görə ad çəkməyəcəm.
- Əvvəlki mərhələdə FCSB-ni keçməyiniz sizə motivasiya verir?
- Hər oyunçunun istəyi odur ki, qələbə qazansın. Biz də oyuna bu niyyətlə çıxacağıq. FCSB ilə matçda qələbə bu görüş üçün fakt deyil.
İdman.biz
