Sport24.az
"Milli komanda olaraq çətin dönəmdəyik". Bu sözləri Sport24.az-a açıqlamasında Kamal Bayramov deyib.
Mövsümün sonunda "Şamaxı"dan ayrılan və futbolçu karyerasını bitirən veteran qolkiper Fernando Santuşun Latviya və Macarıstanla yoldaşlıq görüşlərində hansı qapıçıya güvənəcəyi ilə bağlı fikirlərini bölüşüb:
"Qarşıdakı illərdə daha da çətin olacaq. Keyfiyyətli futbolçular var, amma komanda şəkilində inkişaf edə bilmirik. Yoldaşlıq oyunudur deyib, keçməyək. Bu matçlarda yığmamızdan baxımlı futbol gözləyirik. Millimizin hansı oyunu olursa olsun, qələbə qazanmaq mütləqdir və bu növbəti qarşılaşmalara motivasiyadır. Milliyə dəvət olunan qapıçılar demək olar, eyni səviyyədədirlər. İndiki vəziyyətdə hansı daha istəkli və motivasıyalı görünürsə, "çərçivə"ni də o qorumalıdır. Şahruddin, Rza, Aydın güvəniləsi qapıçılardır".
Qeyd edək ki, Azərbaycan millisi iyunun 7-də Riqada Latviya, bundan 3 gün sonra isə Bakıda Macarıstan yığması ilə üz-üzə gələcək.
