Idman.biz
"Milan", "Real Madrid" və Braziliya millisinin əfsanəvi keçmiş oyunçusu Kaka məşqçilik karyerasına başlamaq istədiyini açıqlayıb.
İdman.biz-in məlumatına görə, futbolçu peşəkar futboldan ayrıldıqdan sonra da oyuna sevgisini saxlayır.
"Futbolu sevirəm. Bir gün məşqçi olmaq istərdim. Bu, mənim üçün inanılmaz çağırış olardı!", - "PianetaMilan" onun sözlərindən sitat gətirir.
Daha əvvəl Karlo Ançelottinin Kakanı Braziliya millisinə məşqçilər korpusuna dəvət edə biləcəyi ilə bağlı xəbərlər yayılmışdı. Kaka özü də bu təklifə açıq olduğunu və Ançelottinin komandasına qoşulmağa hazır olacağını bildirib.
2017-ci ilin dekabrında Kaka oyunçu karyerasını başa vurub və o vaxtdan bəri futbolla birbaşa məşğul olmayıb.
İdman.biz
