Sport24.az
Misli Premyer Liqasının XXI turu çərivəsində "Kəpəz"i qəbul edən lider "Sabah" 1:0 hesablı qələbə qazanıb. Sport24.az xəbər verir ki, oyundan sonra matçda yeganə qolun sahibi olan və "Kəpəz"ə qarşı artıq 4-cü dəfədir fərqlənən Kahim Parris klubun mətbuat xidmətinə qarşılaşma haqda fikirlərini bölüşüb:
"Əslində, mən hər oyunda fərqlənmək istəyirəm. Amma "Kəpəz"ə qarşı bir neçə dəfə qol vurmağım məndə xüsusi bir özünəinam yaradıb. İnanıram ki, onlara qarşı keçirdiyimiz hər matçda qol vura bilərəm. Bugünkü qarşılaşma bizim üçün olduqca xüsusi və vacib idi. Çətin mübarizədə üç xal qazandığımız üçün Allaha şükür edirəm. Belə vacib oyunlarda qol vurmaq çox gözəl hissdir. Daha əvvəl də qeyd etdiyim kimi, hər dəfə meydana çıxanda öz istedadımı nümayiş etdirmək üçün mənə verilən fürsətə və imkana görə minnətdaram."
