Sport24.az
"Rəqiblərin bizimlə oyunlarda daha çox müdafiə olunduqlarını bilirik. Amma buna baxmayaraq yaxşı oynadıq". Bu sözləri Sport24.az-a açıqlamasında "Qarabağ"ın futbolçusu Kadi Borges deyib.
Braziliyalı oyunçu "Sabah"la 1:1 hesablı heç-heçə etdikləri Misli Premyer Liqasının XXIV turunun oyunu ilə bağlı fikirlərini bölüşüb:
"Bir neçə qol imkanı əldə etdik. Məncə yaxşı oynadıq. Hava çox soyuq idi. Amma bu bəhanə deyil. Bizim üçün çox soyuqdur. "Sabah" futbolçuları üçün də eyni durum idi".
O, ölkə kubokunun 1/4 final mərhələsində "Səbail"ə qarşı keçirəcəkləri görüşə də toxunub:
"Qarşıda "Səbail"ə kubok matçımız var. Ona hazırlaşacağıq. Baş məşqçinin tövsiyələrini eşidəcəyik. Öz oyunumuzu təkmilləşdirməliyik".
Qeyd edək ki, fevralın 27-də təşkil olunacaq "Qarabağ" - "Səbail" oyunu saat 16:00-da başlayacaq. Ağdam təmsilçisi ilk matçda 1:0 hesabı ilə qalib gəlib.
