Sport24.az
"Çox çətin oyun oldu. Qarşılaşmanın ilk dəqiqələrindən azlıqda qaldıq. Amma əsl komanda ruhunu göstərdik". Sport24.az-ın məlumatına görə, bu sözləri "Qarabağ"ın futbolçusu Kadi Borges deyib.
Braziliyalı oyunçu "Neftçi"yə səfərdə 1:0 hesabı ilə qalib gəldikləri Misli Premyer Liqasının XXIII turunun oyunu ilə bağlı fikirlərini bölüşüb:
"İkinci hissədə də komanda olduğumuzu göstərdik. Yekunda birliyimiz nəticəsini verdi və görüşdən müsbət nəticə ilə ayrılırıq".
O, qazandıqları penalti epizodu barədə də fikirlərini bölüşüb: "Aşkar penalti idi. Rəqibin haradan gəldiyini görmədim. Topa təması yox idi".
Oyunçu qələbə inandıqlarını vurğulayıb:
"İlk dəfə belə halla üzləşməmişik. Bu gün həqiqətən də əsl xarakter göstərdik. "Neftçi" - "Qarabağ" oyunu Azərbaycan klassikasıdır. Bütün ölkənin diqqəti bu oyunda olur. Əsas odur ki, bu matçdan müsbət nəticə ilə qayıtdıq. Düşünürəm ki, yaxşı formadayam. Daha yaxşı performansımla komandama fayda verməyə çalışacağam".
