İdman.biz
Viktor Qyokereş Azərbaycan millisinin tarixinə düşüb.
İdman.biz xəbər verir ki, isveçli hücumçu yığmamıza ən çox qol vuran futbolçu adına sahib çıxıb.
Qyokereş millimizin qapısından ümumilikdə 6 top keçirib. O, buna 4 oyunda nail olub.
Viktor bu rekordu Millətlər Liqasının VI turunun oyununda poker etməklə gerçəkləşdirib. O, komandasının 6 qolundan dördünə imza atıb.
Qyokereş Almaniya millisinin sabiq hücumçusu Miroslav Klozeyə məxsus rekordu yeniləyib. Hazırda "Nürnberq"də Mahir Emrelinin baş məşqçisi olan almaniyalı yığmamızın qapısına 5 qol vurub.
Qeyd edək ki, Viktor Millətlər Liqasının ilk dövrəsinin Bakıdakı matçında komandasının 3:1 hesablı qələbəsinə bir qolla töhfə verib. Onun yığmamıza vurduğu digər top 2023-cü ilin martında AVRO-2024-ün İsveçdəki matçına (5:0) təsadüf edib.
Vüqar Xeyrullayev
İdman.biz
