İdman.biz
2024-cü ildə ən çox qol vuran futbolçuların siyahısı bəlli olub.
İdman.biz xəbər verir ki, İFFHS tərəfindən hazırlanan cədvəldə 46 futbolçu yer alıb.
"Qarabağ"ın braziliyalı forvardı Olavio Juninyo 22 qolla cədvəldə 27-cidir. O bu göstərici ilə Robert Levandovski və Vinisius Junioru geridə qoyub.
Siyahıya 35 qolla Çinin "Şanxay Port" klubunun oyunçusu Vu Lei başçılıq edir.
Portuqaliyanın "Sportinq" klubunun fotvardı Viktor Qyökeres 33 qolla ikincidir. Perunun "Sportinq Kristal" klubunun hücumçusu Martin Kauterukkio 31 qolla ilk üçlüyü tamamlayır.
Qeyd edək ki, Juninyo 6 qolla Çempionlar Liqasında yeni mövsümdə təsnifat və pley-off mərhələsinin ən məhsuldar futbolçusu olub.
İdman.biz
