İdman.biz
"Rəqəmləri özümə hədəf qoymuram".
Bunu İdman.bizə "Qarabağ"ın futbolçusu Olavio Juninyo deyib.
O, Azərbaycan klublarının heyətində avrokuboklarda ən azı 10 qol vuran 4-cü bombardir kimi tarixə düşməsinə münasibət bildirib. 28 yaşlı hücumçunun sözlərinə görə, bu siyahıda irəliləmək və kimisə ötmək onun üçün hədəf deyib: "Mənim üçün əsas məqsəd komandamın qələbəsinə oyunumla və qolumla töhfə verməkdir. Hər matç barədə ayrıca düşünürəm. Azərbaycan klublarının avrokuboklardakı bombardiri sırasında hansı mövqedə olmağım o qədərdə əhəmiyyət kəsb etmir. Hər şeydən önəmli komandamın qələbəsidir. Bu qalibiyyətdə payımın olması isə daha da sevindiricidir. Təbii ki, sıralamada qol vuraraq daha yaxşı mövqeye gələcəmsə, bu da xoş bir haldır".
Qeyd edək ki, Juninyo Çempionlar Liqasının II təsnifat mərhələsində Bakıda keçirilən "Qarabağ" – "Linkoln" (5:0) matçında 3 qola imza atıb. O, eyni sayda fərqlənən Filip Ozobiçə çatıb.
Juninyo yalnız iki oyunçudan geri qalır. Abdullah Zubir 14, Reynaldo Silva 11 dəfə fərqlənib.
Banuçiçək Hüseynli
İdman.biz
