Idman.biz
Joze Mourinyo futbol üzrə Portuqaliya millisini çalışdıra bilər.
İdman.biz xəbər verir ki, "HTSpor"un məlumatına görə, tərəflər ilkin razılığa gəliblər.
Müqavilənin iyunun əvvəlində baş tutacaq UEFA Millətlər Liqasının həlledici oyunlarından sonra imzalanması planlaşdırılır.
62 yaşlı mütəxəssis hazırda "Fənərbağça"ya rəhbərlik edir. Komanda Türkiyə çempionatında mövsümün bitməsinə 3 tur qalmış "Qalatasaray"dan 8 xal geri qalaraq ikinci pillədə qərarlaşıb.
Mourinyo əvvəllər milli komandalarda məşqçi kimi çalışmayıb.
Hazırda Portuqaliyaya ispaniyalı Roberto Martinez başçılıq edir. Onun rəhbərliyi altında keçirdiyi 28 oyundan 21-də qalib gələn komanda AVRO-2024-ün 1/4 finalında Fransaya penaltilər seriyasında uduzub.
İdman.biz
