Sport24.az
"Benfika"nın baş məşqçisi Joze Mourinyo Çempionlar Liqasının 2-ci turunda "Çelsi"yə məğlubiyyəti (0:1) şərh edib. Sport24.az xəbər verir ki, o, bu barədə UEFA-nın rəsmi saytına açıqlama verib:
"Matçlar arasında cəmi iki gün vaxt var var idi və biz məşq etmədik, sadəcə, bərpa olunduq. Meydandakı güclü tərəflərimdən biri, hətta belə adlandırmaq olarsa, mənim məşqlərimdir, amma buna vaxtımız yox idi. Hazırda futbolçular üzərində güclü təzyiq var.
Problem bugünkü yox, "Qarabağ"a məğlubiyyətdədir. Düşünürəm ki, bu gün bir xal almaq üçün kifayət qədər çalışdıq, amma yenə də bacara bilmədik. Çalışdıq. Bu kifayət deyildi, amma eybi yoxdur. Yenə də təəssüratlar müsbətdir".
Qeyd edək ki, II turdan sonra aktivində 3 xal olan "Çelsi" 17-ci yerdədir. Xalı olmayan "Benfika" 30-cu pillədə qərarlaşıb. 3-cü turda "Çelsi" "Ayaks"la (22 oktyabr), "Benfika" isə "Nyukasl"la (21 oktyabr) qarşılaşacaq.
