Sport24.az
"Fənərbağça"nın baş məşqçisi Joze Mourinyo Portuqaliyaya qayıtmaq istəyir. Sport24.az xəbər verir ki, bu barədə "Fichajes" portalı məlumat yayıb.
Mənbənin sözlərinə görə, 62 yaşlı portuqaliyalı Türkiyədəki işini başa vurub vətənə qayıtmaq niyyətindədir. Onun Portuqaliya millisinə və ya ölkənin aparıcı klublarından birinə rəhbərlik edə biləcəyi bildirilir.
Qeyd edək ki, Mourinyo 2024-cü ilin yayından "Fənərbağça"ya rəhbərlik edir. Onun rəhbərliyi altında İstanbul təmsilçisi 62 matçda 35 qələbə qazanıb, 9 məğlubiyyət alıb.
