Idman.biz
London klubundan təklif gələrsə, "Benfika"nın baş məşqçisi Joze Mourinyo "Çelsi"ni idarə etməyə hazırdır.
İdman.Biz X sosial platformasındakı "Indykaila News" səhifəsinə istinadla xəbər verir ki, portuqaliyalı mütəxəssis "Çelsi"ni özünün əsl sevgisi hesab edir və "mavilər"in sıralarına qayıtmaq istəyir.
Lakin, mənbənin məlumatına görə, "Çelsi" Mourinyonun hisslərinə qarşılıq verməyə bilər, çünki londonluların daha müasir məşqçiyə ehtiyacı var.
Mourinyo 2004-2007-ci illərdə və 2013-2015-ci illərdə "Çelsi"ni çalışdırıb.
Bu mövsüm Premyer Liqada 19 oyunda londonlular 30 xal qazanıb və hazırda turnir cədvəlində lider "Arsenal"dan 15 xal geridə qalaraq beşinci yerdədir.
