Idman.biz
Səudiyyə Ərəbistanının "Ən-Nəsr" klubunun portuqaliyalı baş məşqçisi Jorji Jezuş Kriştianu Ronaldunun şəxsi keyfiyyətlərini və fiziki göstəricilərini yüksək qiymətləndirib.
İdman.Biz xəbər verir ki, təcrübəli mütəxəssis bu barədə "SAPO Desporto" nəşrinə açıqlamasında bildirib.
Jezuş ulduz futbolçu haqqında deyib ki, heç kim bu insanın dünya üçün hansı əhəmiyyətə malik olduğunu təsəvvür etmir: "Mən özüm də bunu əvvəl təsəvvür etmirdim, indi isə anlayıram. Bu inanılmazdır. O, şübhəsiz ki, Portuqaliyanın simvoludur. Hara gedirsə, otelin qapılarına yüzlərlə insan toplaşır, bu adamlar sadəcə, onu kənardan müşahidə etmək istəyirlər".
71 yaşlı baş məşqçi Ronoldunun bu yaşda heç də cavanlardan geri qalmadığını önə çəkib: "O, komandada sürətinə görə ikinci, 25 km/saatdan yuxarı sprintlərin sayına görə isə üçüncü yerdədir. Bu, həqiqətən inanılmazdır. Amma məsələ təkcə onun meydanda etdiklərində deyil - o, çox ağıllı insandır, baxışı futbolun sərhədlərini çoxdan aşır".
